最近精神不大好，差到上星期看完拉闊，在車上已經爆睡，回家呢樣果樣搞到點多，結果第二天睡過頭 (?)，訓多個鐘，差少少遲到...

雖然昨晚亦是一點多才睡，但今早更早起身也沒問題。倒是最近坐巴士老是睡得着...發生咩事呢？ 我沒做甚麼呀...

說回拉闊，本來沒打算去，(我也真的說過這個組合免費也不去....)多得有人相贈門票。啊，拉闊不要搞甚麼勞什子跳晒舞之類嘛，這樣簡簡單單的不就很好嗎 (雖然好多歌我完全沒聽過...)。

有日撘火車，上到車冇位，拿着報紙站定，關門前有對母子衝了進來。穿小學生校服(?)的豆丁隨手一撥，撞到我份報紙，小豆丁即時發難，不停大叫「報紙好污糟！」「咦！」之後好似擦到嘴邊，又要噴口水，仲要啤住我， 嘩，咩事呀而家，你自己隻手亂fing fing到我，份報紙我仲要睇架。

還有，這樣很失禮呀，這麼多人以報紙唯生，污糟甚麼的，而家咩世代，咩細路。過份受保護，問題不在細路在家長呀。 

去台灣，影的相不多，所以回來後才可以快快手手寫好筆記，不然一看到成千張相就開始頭痛。台灣日本這些，去了很多次，再去要去偏遠點的地方沒問題，但無論如何也要先飛大城市，飛去那邊又留一兩天，全程其實只得幾日，真係有野睇既時間相對不長。不過，去偏遠地方吃得又不好...但睇返上次去台灣，都冇咩新地方去到，好似好hea咁。唔... 

呀，同埋我好怕D人多既地方，人太多，行步路都頂住頂住，冇心機慢慢行。

睇人地去日本，嘩，D地方咁勁，自己都唔知幾時可以咁去玩...。下下去日本都係果幾個地方，雖然話野未食得晒，但果D地方除左食/買 (買亦唔係多)，都冇咩其他野好做... 

唔，有野想買，未諗到點買。會去開旅行既話我知... 

由細到大，我讀書既方法都幾怪。小學基本上測驗考試前唔讀書，屋企人問「喂，聽日考試，你仲係度玩？」我又唔明點解自己唔走去溫書。成績甚麼的，每年考全級頭二十名的會登出來，年年我也希望自己榜上有名，但自己從未試過。而家諗返，自己咁既衰樣，書都唔讀，得先奇...

到中學，聽阿媽講，每篇課文讀三次，讀完睡覺去也，咁就可以去考試喇。有試過問人地點樣溫默書，啊，將生字全都抄一次就行了，那又照辦煮碗。有時候問人，你地平時溫幾多次？大家通常答「溫到識為止」對當時的我來說是很不可思議的，果陣我只係為左考試去讀書，明唔明呀，識唔識呀，完全唔諗，只係做夠就算，我讀書真係好怪。

雖然讀書方法完全唔係目標為本，但過程未算錯晒，所以成績托賴還不錯。另一方面自己責任心很強，要做的就會做。雖然會考仍然係每篇課文讀三次，但練習方面當年會考有大量past paper，全部都做多過十五年，咁又得喇。(溫習最佳方法是做練習嘛，某財務試也是這樣說的)

到大學終於知呢個方法唔work，唔知其他人讀AL有幾辛苦，我就覺得出去自修室讀到十二點踏尾班車返屋企都算係咁，已經幾慘。上下SEM，上個sem有一科要怒背，自己記得唔熟小炒，下個sem就真係怒背比佢，終於見得返人。

不過大學D野，唔似AL，冇咩好難明，有既只係自己走左堂或訓左覺，唔怪得人，所以其實我唔鐘意大學D堂，樣樣都係背，悶到呢。又，我又係懶懶地既人，都幾多人見學入左U讀得麻麻地跌眼鏡，傻啦，係大學考1st hon係要博要捱的……同埋自己先天不足，冇得講。 

其實年紀越大，越覺得考試唔係就咁考，自己要諗下人地要求咩，你做既野夠唔夠，唔夠既話點樣加強，唔明人地題目既logic就諗到明為止，有清淅目標，做到人地的要求。連自己望緊邊度要去邊度都唔知，又點可能考得到。

舊年去過幾次旅行，除左年前叫長線 (都只係8天) 其他都短到不短，6天這個，一星期也不夠，近的地方都去過了，是時候儲下錢同儲下假一次過去遠少少。

聖誕一定要出外，又唔想駛太多錢，揀黎揀去只有這個團價錢最合理，其他去個青島五天都要5千以上，真係...更不用說淡季的九寨溝都要7千...還有，未坐過大陸的高鐵，順便試下。

相比起黎，台灣高鐵好似平穩D。仲有，好似之前都講過，最好笑既係每卡有個阿姐，會得閒掃下地洗下廁所...

去既時候係淡季人不多，但聽當地人講張家界非常多韓國遊客，那幾天碰到最多的也是。那堆大肥佬在窄窄的山路上還一副大爺款霸了整條路，一邊過時一邊口裏咒罵，不過我又不懂韓文他們又不懂英文，那...

天氣不好。

想點？

係我訂閱既blog入面，睇過D相影得最靚既係一個小朋友 (大學都未畢業)，到今日先見到佢講自己手上的器材。一睇，へぇー! 居然是非常入門的單反加一支短中距離副廠鏡？

又，點先算靚，純屬感覺，要夾硬用文字分析，真正感動的原因反而溜走了。(註：這不是我自己吹，有psycho研究做過的) 早前又看到有人在博上寫拍照技巧，唔係連拍返去慢慢揀，搵到一幅靚既叫僥倖，多幾張就幸運，拍照其中一個重點係「時機」，想當年菲林一筒得30張，你一日帶10筒都只係300，現在龍友隨便出去拍都一天幾千張。(又所以我好少影人，除左怕羞，還有掌握時機太難)想影得靚，更不用說要留意角度、光圈、快門、構圖、光線等等。

再早之前香港某博物館辦過個攝影展，看裏面的相，早在上世紀大師的技術當真爐火純青，反而近代的相片則從記錄轉為藝術創作，以表達當代藝術家本身 (多於美感/記錄) 當中幾多是調節過，扭曲了的影象，多重曝光。記得有一幅是在不同地方的蘋果店前 (好像是，不記得了) 多次曝光，可以想像看到的會是光影混雜，沒錯，表達到某些訊息，只是在我而言，我還是喜歡看普通的相片。

唔，還是喜歡以前黑白相年代。

===

如果講左一樣野，一個月內唔買的話，可能等到下一代再出先會買下一代。又講，影相好多人都唔識，但你自己唔識既時候就唔好再走去同D比你更差既人黎比較，真係五十步笑百步。

已經係翻版，仲要大大聲，又話咁耐仲未有得download，大國仲夠膽將人地原碟自壓當雜誌贈品咁賣。最過分係D人大大聲話正版咁貴點買/買不到/都係因為有老翻佢地先會咁熱愛動漫/鬼佬音樂等等，天啊，事非黑白都分唔到咩。翻版就係翻版，唔好拎D歪理出黎justify自己行動。我冇話自己唔睇唔聽 (雖則真係少，我都唔睇既，劇同戲)，但我知有錯，睇都細細聲自己收埋算啦，邊似得大國D年青人/本城一D大叔 (真係喎，D大叔都唔知幾鐘意講自己睇邊套邊套，咁鬼熱愛電影就入場啦真係...)
又，D道德高士又唔好走出黎擺款，你自己唔睇唔代表你好清高，講完。便宜正常人會貪，問題係佢知唔知自己有錯。

聽人地話去旅行好平，之前同事去關西，玩七日都只係幾千蚊，鬼咩，住係我平D，但自己兩日去人地四日去既地方，交通費...同埋食都一定係我貴啦，一日幾餐(+蛋糕)....D inter-city 交通費先慘，哎。

拎左個手套，好似人地去撈齡果D，呢排天氣開始熱，唔好未好返就皮膚敏感先...

之前話右手痛完到左手，諗住抖下幾日就好，點知等極都唔好，以為係邊度扭親啦，搽野又唔好喎，(搽左一次見冇效就唔搽...)同埋好似越黎越痛，特別係訓醒真係成隻手痛到呢...於是走去睇醫生...

De Quervain's syndrome
病發原因：idiopathic
咦，咁即係唔關我隻手用多用少事.... 

因為係連接拇指既tendon發炎，所以平時都OK，但拎野或者隻手某些姿勢會好痛，好似着衫、打開個袋、係褲袋度拎部ipod出黎等等。同埋人既手大部分功能都靠拇指，而家變左左手唔用得添 (不過樂觀地諗，唔係右手就算...)。同埋發炎搞到血夜循環唔好，所以一早起身先會痛云云。

政府醫生即刻轉介左去職業治療科...去睇，話要做個套筐住，不過未覆疹未有得攞。嘩，咁搞法，下次旅行前都未好得返...

因為呢D小事搞到呢排壓力大左...

重點係張飛上面個時間...都唔知幾擔心起唔到身，跟住又打唔到電話訂車喎...後來先發現個電話直撥咪得囉...囧

好在台中都唔係咁盲荒，出到大街都見到小黃。

台中的落腳點，因為見這裏有單人房，位置又方便... 唔記得影間房張相添，雖然細細地，但麻雀俱全，至少毛巾呀洗頭水都不缺。要看相可點這裏 。

下面係cafe二樓是民宿，下午來check-in時有點吵...到晚上回來時還有客人耶。懂騎綿羊仔真好...又，可以用綿羊仔代步也好，香港嘛，太危險了... 

 在這裏住會送一張折扣券，可抵NT$120的餐飲/食品。回來時都過十點，不好喝咖啡，要了件cheesecake...(謎：你今次食左幾多件cheesecake?)

夜晚吃不下，第二朝又要早起，就這樣放室溫到明天早上在機場食，沒肚痛。說回味道，濃郁且有很香雲呢拿味 (人家也有下雲呢拿籽的哦)。

如果真的再來台中又沒找到地方住，應該會再來這邊... 

飲完朱古力出黎天都全黑了。

呢幢咁型既東東就係其中一間想去既mojo，離遠望埋去，冇客但又燈火通明既？行埋去睇，星期日開到六點？下....我check果陣好似冇話咁早喎...雖然原本係諗住放低行李就去的。

行下行下，去到下一站 (原來都幾遠，又或者我個人好攰，行得好慢，睇地圖頂多四個字...)

趟大的一家店，我常常說空間很重要，店子像鵪鶉大小的怎也放鬆不來，去cafe就是要放鬆吧。甜點選擇較少，布殅甚麼的還是pass了 (還要留錢明天去機場...)。咖啡一來到，咁大杯既？只係最普通既latte，又唔係加左shot。香港通常都只會比8oz...

好新呀 (其實呢本我司都有訂，呢本係最新一期囉)

呢本講日本溫泉宿。

家鄉喇，寫多兩篇就完成喇！(拍手！撒花！)

飯後當然是在台中市散步一下，本來想去的地方只去了三處，剩下的嘛...不過又說，好像我和台中八字不合，下次要直接跳過...

上次來台中時去了AGIO，今次就試這家慕夏 mucha。

沒有蛋糕只有巧克力，結果點了最普通的熱巧克力試一試 (其實這裏還有莊園級的熱巧克力...但好像冒險了點...)

那團泡有點搞笑，喝下去，咦，ok喎！因為平時也有在家弄熱巧克力 (註：不是熱可可)的習慣，又簡單又比外面味道好，材料只有奶和巧克力，坦白說只要巧克力夠好就行，更不用說有些平平咖啡店只用syrup + 奶就算。這裏的香氣足且不單調，濃稠度適中，喝到最尾不會「漏」，只賣NT$125。(別忘記香港某兩間專賣巧克力的本地牌子都在賣HK$45...有一家還稠得跟溶巧克力沒兩樣)

對了，那天逛過幾家大百貨公司的超市，發覺在台灣買外國食材不比香港便宜，有些甚至更貴，為甚麼人家可以用更高級的材料而香港(ry
好像茶，雖然少但也有咖啡店用Mariage Frères。香港？都唔知有幾多人聽過，仲要俾人問返轉頭添。

又有單車放在店內...

在播放製作巧克力的過程。

搵返電話之後，坐巴士返去台中sogo那邊，最近還新開了金典綠園，底層還有誠品呢。另外，台中的巴士是計里數的，所以上下車也要拍卡，台北的yoyo card在這邊也可以用哦。

行左一陣商場，往晚餐地點進發。田樂是台中一間新開頗受歡迎的店舖，訂位也有一星期前才可計的限制。我去到的時候有點遲，連位也冇了...囧。

應該是老房子改建吧，非常有性格哦。

食完拉麵回酒店拖行李去國光那邊坐車落台中。貌似台北車站旁的路面有工程，總之就係要拖行李行勁遠都未去到個站...差少少就撘唔到果班車...(走左要等半個鐘)

坐車，車內的坐位，幾舒服，同前後有一定距離，將椅背放到最低都冇問題 (結果就瀨野，下文再述)。

車內仲有娛樂添！

望左一望周圍，都冇耳筒既？原來會係椅背近頭既位有speaker，唔太怕嘈到人。坐去台中要兩個幾鐘，僅僅夠睇完。

呀，驚險野下面出現。

樂麵屋算是較早從日本來的拉麵店，早就在這裏看到。既然酒店附近有，那就不用拿着行李到台北車站吃花月嵐了 (雖然中間也在西門町看到花月嵐的分店)。麵家三士也想去，第一天有經過，下次再去吧。

台灣吚一個優點是吃日本野有日本八成水準，價錢卻可以低一半，而且又可以用中文點餐，不像香港，比日本貴，質素卻可能沒有一半。

在門口等下等，又冇講自己幾點開門，食完魯肉飯回來又沒胃納去其他地方坐，行到蜂大咖啡又驚見人龍 (全條都係香港人呀唔該)，冇辦法唯有繼續等。十一點半正式開門了。

二郎風甚麼的，吃完大概第二天回香港還覺得有那陣味，不用了，點個普通的拉麵就好。

叉燒同蛋都遮晒。看湯底，這才像樣子嘛，又不會一味得個肥字，叉燒入味鬆化，蛋是超水準，總之這樣的價錢吃到這碗拉麵，抵！香日本有名的店是差一點點喇，但c/p值爆棚，好過係香港比雙倍價錢仲要排隊排餐矇既...

題外話：本來係個腦度盤算左幾日，終於得出一個可行方案時，就因為某步驟卡住，停左。要解決都唔係冇辦法，可以俾錢人賺又或自己試下申請張卡 (呢個唔知得唔得)。呢步未解決又唔想跳左搞第二三四五喎，一陣唔得咁點算。我又趕喎，真係麻鬼煩。明明之前得gum ma，俾錢人賺我又唔爽...申請又未必得，妖。