真係越黎越唔知應該要喺網誌寫咩。

開博初期，真係可以一日一篇，而且仲自言之有物，唔似而家十日唔埋都冇一篇，仲要篇篇都係寫食 (汗)。

自己要講既野雖然仲有，但已經冇心機慢慢組織寫文，同埋如果只係想寫給自己看的那不用在公開的博上寫吧。說來當初開博也沒想過真的會有人睇，仲會識到朋友。而家呢度雖然冇乜人睇 (咁自己都冇乜去睇人就真...)，閒時睇返之前寫既野都幾有趣，係個剛剛開始面對社會既青澀女生 (大滴)。

數年後的今天，如果變返某年xanga那樣的photoblog也好，不過最近好久沒帶相機出去了。至於日常系分享嘛，唔好話寫完冇心機睇，連寫都冇心機寫...。同今季新番一樣 - 悶。都唔明點解仲有咁多人邊鬧邊睇，只要冇咁爛就收貨 (某程度上同tbb一樣？) 

年巒大唔捱得眼訓，尋晚三點幾訓今日就唔得。哎唷。好，自言自語完畢。

係呀，最後想問有冇邊位知香港邊度買UO平呢？ 

D&G事件很多人都談過，是香港人近年氣受得太多的反彈，樓又貴，經濟唔好，日日都見到一袋二袋既大陸豪客大大聲，再加上那邊的真的一整副有錢甚麼都行的嘴臉，我們頓變港燦。 

在巴士上吃杯麵，地鐵上大便的，大概全世界只有一個國家的人會這樣，這跟我們的價值觀相差太遠，加上豪客的氣焰，普遍人不喜歡那堆豪客也正常。 

沒錯內地人的確是財大氣粗，平時整條廣東道都見一袋二袋的內地豪客 (還未說新年前後才真的迫到叫救命)。不過他們除了舉止失禮(自己)、講野大聲、塞住條路之外，只是民智未開，有錢洗大，未見過世面的暴發戶樣，又不算大奸大惡。反而是最近聽到更氣憤的例子，主角都是香港人。 

最近聽到的例子：
1. 巴士停站後開走，在前方的交通燈有人拍門想上車，車長沒開門，指向前方要那個人在前面的巴士站上車，到那個巴士站等了幾分鐘沒人來，他又開走。再駛到下一個巴士站停下時有人截車，原來是剛才那個人，他鬧為甚麼剛才那個紅燈時又不讓他上車，鬧到成車都聽到，又話要投訴乜乜唔俾車長開走(！)。成車的乘客當然鬧返轉頭...
最後怎樣就不清楚了

2.  玩遊戲甚麼的當然是先到先玩，有某個遊戲有小朋友正在玩，本來等一會或先玩其他再回來就行，怎知有個家長和小朋友經過，居然叫旁邊的護衞「請」那個正在玩的小朋友走開(！)。護衛當然不肯，請那對母子等一會再過來。後來那對母子居然走去投訴護衞(！！！)不肯叫人走。服務行業就知，香港人麻煩度之高動不動走去投訴的真係無出其右。

講到野蠻同橫不講理只顧自己的，其實香港人認第二沒人會認第一。大家，就算氣受得多也不用這樣的，你真的沒必要淪落到比內地人還討人厭。 

這是家之前去新加坡時，同事介紹一定要去的茶餐廳：

kaya toast不輸亞坤的名店。

老店舖子小小 (雖然分店好多) ，同埋除了遊客，不少是本地人。

雖然出名，老店價錢倒不貴，椰漿飯 (Nasi Lemak)+ toast + tea只是幾元新加坡幣。椰漿飯嘛，原來味道是那樣的...那些配菜/沙嗲/魚等挺有趣，本地不常見。

唔記得拍杯茶，不過都係咁上下，說不上很喜歡，奶茶還是香港的好。另外，新咖坡的咖啡跟越南的差不多，不加煉奶是杯黑色的苦水，加了煉奶變了濃味的咖啡味飲品...

多士就還不錯，牛油香，kaya黏，鴨蛋味重，甜了點點，但總體非常好吃，土司工坊的kaya甚麼沒得比...

之後過左一排，居然係香港開左...

捏他？殺必死？黑他？

只係平時講野，如果語言中本來就有詞語表達那個意思，就不要去亂用外文的翻譯，除非那是本來就無 (好似老外譯我們的「陰陽」，都係Yinyang...)，某「潮流」雜誌真係做壞晒，係咁用埋D日文漢字，好地地你寫緊中文就唔好亂加D唔知咩字落去啦。仲衰過加英文，因為成句都係中文，但其中有詞語就唔係中文，阻礙理解引致混亂...

上面三個字，某些網誌和論壇經常出現，意思嘛，中文一定有，做咩要整埋D爛到唔爛既音譯呢？你直頭寫日文我都冇咁嬲...

講開又講下D高層次既翻譯，翻譯不是在google翻譯入面copy 對面 paste加按一下mouse，翻譯是個創作過程。真係唔係你話識D字點解就識翻譯囉，尤其是歌之類的，有時簡直像詩一樣 (可惜我不是在講當代廣東歌)，本身很多東西講意境，像霧又像花，你明晒D字唔代表可以好順暢地從原本的語言翻譯成另一種語言，因為直譯既話根本無人明你講乜，又，D意境甚麼的又無晒。不信可以將一D野譯做第二種文字再譯回原文，看看出來會差幾遠。

好易咩乜有人覺得？講野太低能同講錯野一樣也是非常失禮，意義等同母語是中文的我們中文必好一樣，一定的嗎？

好耐未試過一年開成這樣...

- 2011回顧嗎？2011...是怎樣的一年呢。說真的，不想去想，做人要向前望！的確，某兩件事影響頗大，但回頭看，那是怎麼一回事，用得著太在意嗎？

- 啊，對了，找到新的興趣，這代表錢要花多 (很多...)。喜歡就花，又不是去偷去搶，所以我還是別去看不起別人的興趣好了...

- 其實我為人奄尖，很多時候嫌三嫌四，自己也覺得煩，不過呢，對一般人又看得好開，你怎樣我才不管，當然我不喜歡就是了。今年要改嗎？

- 新一年嗎？就是沒當一回事，平時甚麼新一年大計呀，甚麼目標呀通通沒有。倒是新開始倒決定了今年甚麼時候要去旅行了...

- 又有説2012年是世界末日，呀，乜今年又咁多人講呀。仲有，如果真係要世界末日的話，又係唔係你同我控制到呢。唔係的話，那就不要浪費時間，唔好浪費自己生命，而唔係係度諗D無謂野。

- 今朝比人打爛野。一知道果刻係有D火，鬧又唔係，純粹唔小心。咁可唔可以小心D呢？人誰無過我明，咁唔代表做錯野就應該就咁算，果個無路可發火既感覺真係爛

繼一風堂登陸香港後，麵屋武藏也來了。會自由行去日本的人大都聽過這兩家拉麵店吧。

要說香港和日本台灣的食物有甚麼不同，應該是心吧。當然，在這個大家只懂去大X樂麥X勞的年代，還能有甚麼人有心來供應食物呢？好食物和有心人的話香港還有，倒不用一味的崇外...

一飲就知出事，不是燙口的熱，但湯很平淡；不是淡，味是有的，不過沒有香氣，喝下去雖然不算油膩，卻沒有讓人繼續喝的魅力。有說東京的麵屋武藏的湯頭以「鹹」見稱 (給很多人恨批太鹹...)，來到香港還在調整嗎？過不久就看到一人拿著一個匙去試味，果然是還不行嗎？試業...或者過一陣子再去會好一點吧 (如果會去的話)

配料沒加，吃完也沒印象...蛋好像有點冷。

豚肉鬆但沒有很入味。

吃吃下很失禮的拿起桌上的七味粉起勁的下，湯頭變出色多了 (汗)。

同場加映極之俗氣的聖誕裝飾...

那個顏色和部件是怎麼回事？

標題雖是這樣寫，但請不要誤會我想總結這年...(只是有人懶不想標題...)想講下呢期三件事。

今朝打開報紙，見到陳奐仁。紅館。

咦！

(心中的驚訝要用大字表現)

陳奐仁喎。果個幫陳奕迅寫《愛是懷疑》，同MC Jin出過隻碟，係舊年金像獎最佳新人，閒時唱音樂會唱JAZZ果個喎！

佢開紅館？

香港人接受能力幾時高左咁多？

佢絕對唔係唔好，反而係太好，一D都唔係流行路線，突然爆上紅館，真係呢...有種唔知點既感覺。

少數外勤之中總要吃飯，又不能溜出去吃，只能吃大圍叫的飯盒，可是不知為何每次吃到的總是很難吃，害我以為街外外賣店就是那個水平。

原來...原來不是哦。

自出來工作以來，甚少在街上吃碟頭飯，不是甚麼嫌不嫌的，就是很少，要吃碟頭飯大概是自己一個吃時才會，但我貪平會吃包，貴的會去喝咖啡，去茶餐廳也是吃下午茶類東西，快餐店更不用想。

走寶！

那天很想吃點甚麼，走來走去又不知要吃甚麼 (越想吃東西時越找不到要吃甚麼...吃過的不想去，未吃過的又要看是甚麼，不想冒險，所以呢，想吃時又沒概念的話可以在街上走一個小時仍未決定吃甚麼...) 。忽然見到有間主打外賣的老舊個體戶快餐店，咦，有炒飯食喎，好耐未食過喇。但都仲未入去，仲要兜多幾個圈，四個字之後先返返去食(死未？)。

結果居然沒叫炒飯，反而點了中式牛柳飯，只是$26。雖然這家不包飲品 (要另加)，不過已經比現在快餐店平好多！落單後見師傅執好料，大鑊大鑊地拋，有青椒...味道雖然不是酒樓調的那種，但有幾種蔬菜配撘，也真的不錯。牛嘛就是平常的水準，不是處理到太淋又不會咬不開。食到個熱辣辣新鮮飯盒，忽然間好開心添。

不過，應該唔係間間都咁手勢掛。那天開始，問同事外賣叫開的店，寫字樓附近有兩間 (從未幫襯過...)又不是很貴。之後會開始試叫人送的外賣。

有時間試下發掘下D老牌外賣店 (連鎖得家家樂同良友掛...其他都個體了)，支持下，或者有新發現。

打尖又好，插隊又好，因咩事要咁做呢？

好地地，大家有隊不排亂來的成甚麼樣子？還好香港排隊的仍是多數，不像我們的祖國，排隊人家當你是傻的，一有車來呀甚麼的，一堆人湧上去。大爺聲：「這是大國風采，你懂甚麼？」呀，真的不懂，失禮了。

當然，真係好趕既讓下又有咩所謂。趕時間去機場呀、唔返office就遲到比人扣勤工之類的，開聲我會讓。見你老人家企都唔穩讓你上車先，這是應該的嘛。不過呢，仗着自己年紀大一點，人家在排隊時無端端涉了上前大搖大擺的，這就不忍你了。年紀大就要讓嗎？如果係咁不如叫巴士公司整條隊出黎比年過XX歲既老人家排隊，果堆人可以上車先啦。年紀大少少但健步如飛，仲有氣有力走上樓上，點睇我都唔覺得要讓喎。這是破壞社會故有制度，不可姑息和容忍也。

睇返自己早幾年寫的食評，一個字 - green。那陣子真的甚麼也不懂，好在還未寫錯，純粹是見識少，甚麼也能寫一餐。

這幾年，一直要活得更好，結果生活質素確實提升了，吃過的地方多了，自己也會煮了，從餐桌擺位到侍應的笑容到上碟到碟上的汁等等，都可以批評一番 (原來我才是港女？)。沒辦法，有heart沒heart嘛，很容易看。一般而言，香港做飲食的都沒有，有的大概都會被環境磨蝕，留下來的...(跑題了)

旅行也一樣...

就像之前去旅行社，聽到旁邊的人講「東京大阪不是很近嗎？要十個鐘車？」「去九州有咩好玩」 「呢間溫泉同我上次住果間唔同」「乜除左港龍冇直航去九州？」「去北海道五日咁短」blablabla...咁多野講，不如你自己去啦。報團又咁多野講，自由行又咩都唔識，玩咩？

唔識唔緊要，唔好係我面前扮識，唔好以為自己識，同埋唔好比我聽到。對事不對人，只是當人蠢的時候，錯和扮醒的機會也較多，沒辦法，真的不是針對。做人安安份份不好嗎，沒有人說你是啞的呀。講多錯多，引以為鑑。

早前在尖沙咀吃飯，飯後當然要來甜品。去到甜品屋，一行人熱熱鬧鬧，入坐時滿座。店不算大，坐到卅人左右。食食下隔離台四個中女 (30尾40頭啦)唔知做乜企晒起身，跟住睇清楚，原來：

事件經過：

女：唔得喎，再係咁我地要走喇

店：唔好意思，再等一陣啦

(店員拿著搖控不停的按)

店：而家熄左，應該可以了

女 (有一個唔知咩事，突然惡婆上身mode，發難)：我唔該你，比個清楚既解釋我！點解頭先叫佢整又唔得，而家又得？ (其他三人面面相覷)

我們：(...)

店(猶豫一會後)：唔好意思，頭先佢唔識"禁"，而家較左可以喇。

(事情好似告一段落)

由此至終，店員(s)都保持良好的禮貌，之後再有位仲請佢地幾個調位添。

不過口賤的我們見到如此情景，又點會唔出聲。

我：駛唔駛咁惡呀

友丙：咩事？

友甲：頭先，隔離果幾個嫌風口吹住，個店員哥哥又搞唔到，吹左一陣，唔得咪唔得囉，駛唔駛企晒起身要人解釋呀。

友乙：咪係，做你果幾十蚊生意，駛唔駛當自己係大晒呀。

友丙：哦，駛唔駛咁惡呀。

友乙：幾廿蚊，細舖仔，想人地點呢？

友甲：港女...

我：港女？佢地冇咁.........後生...(已經差D忍唔住笑)

友乙：中年過後，敗犬...

友甲：敗犬都要事業有成先有名叫敗犬女王，呢D唔知有冇喎...

註：以上對話大聲到全店都聽到

佢地結果唔出聲，大概係知道自己理虧。如果真係出聲講返轉頭，睇下我問唔問候佢...(同呢D人講野緊係問候左先啦呀嘛……)

香港做服務業真係好慘，成日有咁多人心理唔平衡要搵D小事出氣，唉。比左錢大晒咩。

大爺事件，我又諗起D人嫌睇演唱會唱D歌自己唔識，唔滿意rundown，要回水喎。要揀歌聽，不如你去唱K開返個伴唱，咁咪可以順住你個曲目聽咩都得囉。係嘛？自己鐘意坐係度又得，企係度又得，同屋企睇碟唔同，屋企你要換碟嘛，去唱K係咪開心好多先？興之所至仲可以唱返兩嘴，一舉多得！

好煩。

同一樣野我講第一次OK，第二次我仲忍，講到第三次唔會再比機會你。你係咪有聽架XX？一出口成個layman咁，即刻打斷晒成個氣氛。

算，我知自己麻煩。

好唔好食要自己食過先知。食者因人而異，除了口味等表面因素，重要的還是究竟對方會吃與否。食開老麥的，不能要求他會評甚麼茶餐廳奶茶 (也不說層次更高的了)。人地飲開汽水食薯條嘛！

所以說，聽到港土茶記劣評如潮時，心中確實動搖過，但想想還是試試不妨，就去了。結果是一句 - 香港人會不會吃？

看過餐牌，其實也不算太貴，比翠華貴一點點吧。同一樣食物，不同地方賣不同價錢，除了舖租，其實食材也可以上落很大。泰國蛋$1 1隻，日本蛋$3。同一個煎蛋，另一家是不是要賣貴點呢？當然舖租佔餐廳營運成本最多，不過現在餐廳講食材，其實成本有分別。

沒點餐蛋治，因為其實我非常喜歡平時的午餐肉，亦有說徐小姐自製的像肉餅多點，但我極討厭肉餅。

蛋牛治好食！調味很好，加了洋蔥，香滑味美，不錯，而價錢是餐牌上最便宜的下午茶餐，價值$26。

奶茶中上。炒飯$68一客，其實一點不貴哦...(比起來他們的自製湯粉麵也是$68就真的貴了) 普通的通粉甚麼，要說也不期望一般人吃得出$68的價值，餐蛋治也賣$38，這大概是被人罵的原因吧。這些坑我才不去挑 lol。要試就試正式和考工夫的菜式好了。

即係好似入到意大利餐廳要吃鵝肝一樣。徐小姐的專長不是那些茶餐廳食物吧。

香港同日本一樣味！

果日係香港食都有撞到思鄉日人數名...coco在日本的格局其實不就是すき家/松屋的等級。

因為懷念當天在すき家吃到的咖哩漢堡扒飯 (雖然之後疑似食物中毒冇胃口了數天)，在coco加點了漢堡...eh...那個...すき家好吃多了。

嫌日本咖哩只甜不辣？(其實我不大喜歡味道超濃的巴基斯坦咖哩...)在日本可以選1-10辛，香港好像只有1-5。

原來一直未去過呢。

那天想吃魚生飯，本來想去近近地的鮨海，轉念就想起有人讚過這家的魚生飯「全港最好」云云。反正未吃過，試試不妨。

在台灣，這種飯會叫散壽司，可別點錯。反正那就是用日文漢字散（ち）らし 。

配置和別的壽司店差不多...